மலேசியாவில் புதிய மன்னர் அறிவிப்பு

மலேசியாவின் 16-வது மன்னராக சுல்தான் அப்துல்லா இப்னி சுல்தான் அஹ்மது ஷா இருப்பார் என்று அறிவிக்கப்பட்டுள்ளது.

ஜனவரி 31-ம் தேதி சுல்தான் அப்துல்லா அதிகாரபூர்வமாக மன்னராக முடிசூட்டிக் கொள்வார் என்று தெரிய வருகிறது.

கடந்த 2016-ம் ஆண்டு இறுதியில் மலேசிய மன்னராக பதவியேற்ற மன்னர் ஐந்தாம் சுல்தான் முஹம்மது, பதவிக்காலம் முடிவதற்கு முன்பாகவே கடந்த ஜனவரி 6-ம் தேதி பதவி விலகினார்.

ரஷ்ய அழகி ஒருவரை திருமணம் செய்ததால் அவர் ராஜினாமா செய்ததாகத் தகவல்கள் வெளியாகின.

அரண்மனையில் இருந்து இது தொடர்பாக கருத்துகள் எதையும் தெரிவிக்கவில்லை.

மலேசியாவில், 9 மாநிலங்களில் அரச பரம்பரையினர் ஆட்சி செய்கின்றனர்.

இந்த மாநிலங்களில் மன்னர் குடும்பத்தில் உள்ளவர்கள், ஐந்தாண்டுகளுக்கு ஒருமுறை சுழற்சி முறையில் தேர்வு செய்யப்பட்டு மன்னராக முடிசூட்டப்படுவார்.

பஹாங் மாநிலத்தின் தலைவராக 59 வயது சுல்தான் அப்துல்லா, புதிய மன்னராகத் தேர்ந்தெடுக்கப்பட்டார்.