ரபேல் விவகாரம் – உச்ச நீதிமன்ற தீர்ப்பு ஒத்தி வைப்பு

ரபேல் விமான ஒப்பந்த விவகாரத்தை சிறப்பு புலனாய்வு குழு ஒன்று விசாரிக்க வேண்டுமென தொடரப்பட்ட வழக்கின் தீா்ப்பை தேதி எதையும் குறிப்பிடாமல் உச்சநீதிமன்றம் ஒத்தி வைத்துள்ளது.

பிரான்ஸின் டசால்ட் நிறுவனத்திடம் இந்திய ராணுத்திற்கு அதிநவீன ரபேல் ரக போர் விமானங்கள் வாங்க மத்திய அரசு ஒப்பந்தம் செய்தது.

இந்த ஒப்பந்தத்தில் பல முறைகேடுகள் நடைபெற்றிருப்பதாக காங்கிரஸ் கட்சி தொடா்ந்து குற்றஞ்சாட்டி வருகிறது.

இந்த ஒப்பந்தம் தொடா்பாக மத்திய புலனாய்வு துறை விசாரணை மேற்கொள்ள வேண்டும், நீதிமன்ற கண்காணிப்பில் சிறப்பு புலனாய்வு பிரிவினா் விசாரணை நடத்த உத்தரவிட வேண்டும் என்று உச்சநீதிமன்றத்தில் மனுக்கள் தாக்கல் செய்யப்பட்டுள்ளன.

தலைமை நீதிபதி ரஞ்சன் கோகாய் தலைமையிலான அமா்வு இந்த வழக்குகள் மீது விசாரணை நடத்தியது.

மத்திய அரசு ரபேல் ஒப்பந்தம் தொடா்பான அமைச்சரவை கொள்கை முடிவை சீலிட்ட கவரில் தாக்கல் செய்ய வேண்டும் என்று உத்தரவிட்டது.

அந்த விவரங்கள் மனுதாரரிடம் வழங்கப்பட்ட நிலையில், வழக்கு மீண்டும் இன்று விசாரிக்க்பபட்டது. .

நீதிமன்ற உத்தரவின்படி இந்திய விமானப்படையின் மூத்த அதிகாரிகள் நீதிமன்றத்திற்கு நேரில் வந்து ரபேல் விமானங்கள் பற்றி விளக்கம் அளித்துள்ளனர்.