நாட்டின் சுதந்திரத்தை காக்க கத்தோலிக்கராக இருக்க ஆயர்கள் கோரிக்கை

போலந்து நாட்டை சுதந்திரமாக வைத்துகொள்ள கத்தோலிக்கர்களாக நிலைத்திருக்க வேண்டுமென்று அந்நாட்டின் ஆயர்கள் மக்களை கோரியுள்ளனர்.

நாடு சுதந்திரம் அடைந்ததன் நூற்றாண்டு விழாவை கொண்டாடிய போலந்து ஆயர்கள், மக்கள் தங்களின் கத்தோலிக்க இறைநம்பிக்கையை கைவிட்டால் சுதந்திரத்தை இழக்கக்கூடும் என்று கூறியுள்ளனர்.

தாயகத்தை நேசிப்பது இறைவனின் கட்டளை. இது அன்றாட பொது மக்களின் நேர்மை, பணிபுரிவதற்கு தயாராக இருப்பது, பொது நன்மைக்கு அர்ப்பணம் ஆகியவை மூலம் வெளிப்படுத்தப்படுகிறது.

நமது தாயகத்தின் கடுமையான வலி மிகுந்த வரலாறு தேசியத்தின் ஆன்மிக சுகந்திரத்திற்கும், இறையாண்மைக்கும் அச்சுறுத்தில் வழங்குவதால் நம்மை உணர்வுகொள்ள செய்ய வேண்டுமென இந்த ஆயர்கள் கூறியுள்ளனர்.

போலந்து நாட்டின் சுதந்திரம் வெளும் போராட்டம், அரசியல் மற்றும் தூதாண்மை முயற்சிகளால் அல்ல, இறைநம்பிக்கையாலும், செபத்தாலும் நாட்டுக்கு சுதந்தரம் கிடைத்தது என்று இந்த ஆயர்கள் தெரிவித்துள்ளனர்.

இளைஞர்கள் சாராயம், போதை பொருட்கள், ஆபாச புகைப்படங்கள், இணையதள அச்சுறுத்தல் மற்றும் சூதாட்டம் என போலந்து நாடு அறநெறியிலும், ஆன்மிகத்திலும் பலவீனப்பட்டு போயுள்ளதாக அவர்கள் கூறியுள்ளனர்.

ஆண்டு நினைவை கொண்டாடுகையில் போலந்தின் தற்போதைய நிலை மற்றும் அதன் இறையாண்மையின் ஆபத்துகளை பற்றி இந்த விழா ஆலோசிக்க தூண்டுவதாக போலந்து ஆயர்கள் தெரிவித்துள்ளனர்.

தேசத்தின் வாழ்க்கையையும், நாட்டின் செயல்பாட்டையும் ஆளுகின்ற கத்தோலிக்க இறைநம்பிக்கை மற்றும் கிறிஸ்தவ கொள்கைகளை கைவிடுவதால் பெரும் ஆபத்துகள் உருவாவதாக ஆயர்கள் அறிவுறுத்தியுள்ளனர்.