நாடாளுமன்றத்தில் பெரும்பான்மை கிடைக்காமல் போன ராஜபக்சே

புதிதாக பிரதமராக நியமிக்கப்பட்ட மகிந்த ராஜபக்ச மீதான நம்பிக்கை இல்லா தீர்மானம் இலங்கை நாடாளுமன்றத்தில் வெற்றி பெற்றுள்ளது.

இலங்கை ஜனாதிபதி மைத்திரிபால சிறிசேனாவுக்கும், பிரதமராக இருந்த ரனில் விக்ரமசிங்கவக்கும் இடையே நடைபெற்ற கருத்து வேற்றுமையால் அக்டோபர் மாதம் 26-ந் தேதி அதிரடி அரசியல் திருப்பம் ஏற்பட்டது.

பிரதமராக இருந்த ரனிலை நீக்கிய சிறிசேன, முன்னாள் அதிபர் மிகிந்த ராஜபக்சவை பிரதமராக பதவி ஏற்க செய்தார்.  

நாடாளுமன்றத்தை உடனடியாக கூட்டுவதற்கு ரணில் கோரிக்கை வைத்தவடன், அதையும் சிறிசேன முடக்கினார்.

ராஜபக்ச தரப்பு எவ்வளவோ முயன்றும் பெரும்பான்மை கிடைக்கவில்லை.

ஜனாதிபதி சிறிசேன இலங்கை நாடாளுமன்றத்தை கலைத்துவிட்டு ஜனவரி 5-ந் தேதி தேர்தல் நடத்தப்படும் என்றும் அறிவித்தார்.

நாடாளுமன்ற கலைப்பை எதிர்த்து ரனிலின் ஐக்கிய தேசியக்கட்சி உள்பட பல்வேறு தரப்பினரும் உச்ச நீதிமன்றத்தில் வழக்குகளை தொடுத்தனர்.

இதனால், நாடாளுமன்ற கலைப்புக்கு தடை விதித்து நீதிபதிகள் அதிரடியாக உத்தரவிட்டனர்.

நாடாளுமன்ற தேர்தலுக்கான ஏற்பாடுகளை நிறுத்தி வைக்க வேண்டுமெனவும் நீதிபதிகள் கூறினர்.

இலங்கை நாடாளுமன்றம் புதன் காலை கூட்டப்படும் என்று சபாநாயகர் கரு ஜெயசூர்யா அறிவித்தார்.

அப்போது கொண்டுவரப்பட்ட ராஜபக்சவுக்கு எதிரான நம்பிக்கையில்லா தீர்மானம் இலங்கை நாடாளுமன்றத்தில் வெற்றி பெற்றது.

ராஜபக்சவுக்கு பெரும்பான்மை கிடைக்கவில்லை என சபாநாயகர் கரு ஜெயசூர்யா அறிவித்து உள்ளார்.