சபரிமலைக்கு அருகில் 144 தடை உத்தரவு 4 நாட்கள் நீட்டிப்பு

இந்தியாவின் கேரளா மாநிலத்திலுள்ள சபரிமலை, நிலக்கல், பம்பா ஆகிய பகுதிகளில் 144 தடை உத்தரவு இன்னும் 4 நாட்களுக்கு நீட்டிக்கப்பட்டுள்ளது.

சபரிமலை ஐயப்பன் கோயிலில் மகர விளக்கு மற்றும் மண்டல பூஜைகளுக்காக நவம்பர் 16ம் தேதி நடை திறக்கப்பட்டு வழிபாடுகள் நடைபெற்று வருகின்றன.

இந்நிலையில், சபரிமலையில் அனைத்து வயது பெண்களையும் அனுமதிக்கும் உச்சநீதிமன்ற தீர்ப்புக்கு எதிராக பாரதிய ஜனதா கட்சி, ஆர்எஸ்எஸ் மற்றும் ஐயப்ப பக்தர்கள் மாநிலம் முழுவதும் தொடர் போராட்டம் செய்து வருகின்றனர்.

எனவே, சபரிமலை, நிலக்கல், பம்பை உள்ளிட்ட பகுதிகளில் 144 தடை உத்தரவு பிறப்பிக்கப்பட்டுள்ளது.

தடையை நீட்டிக்க கேரள காவல்துறையினர் சார்பில் கோரிக்கை விடுக்கப்பட்டதை அடுத்து பத்தனம்திட்டா மாவட்ட ஆட்சியர் பி.பி. நுவா இந்த உத்தரவை பிறப்பித்துள்ளார்.