கரையை கடந்தது கஜா புயல் – பல மாவட்டங்களில் பள்ளிகளுக்கு விடுமுறை

கஜா புயல் வெள்ளிக்கிழமை அதிகாலை 3.30 மணியளவில் நாகை, வேதாரண்யம் அருகே கரையை கடந்துள்ளதால், கடலோர பகுதிகளில் பலத்த காற்று வீசி வருகிறது.

கஜா புயலால் தமிழகம், புதுச்சேரியில் பரவலாக மழை பெய்வதால், தஞ்சை, நாகை, கடலூர், ராமநாதபுரம், புதுக்கோட்டை, திருவாரூர், சிவகங்கை, தேனி, மதுரை, திருச்சி, அரியலூர், திருப்பூர், திண்டுக்கல், விழுப்புரம், சேலம், கரூர், பெரம்பலூர், திருவண்ணாமலை மாவட்டங்களில் பள்ளி, கல்லூரிகளுக்கு வெள்ளிக்கிழமை விடுமுறை அளிக்கப்பட்டுள்ளது.

புதுச்சேரி, காரைக்காலிலும் பள்ளி, கல்லூரிகளுக்கு விடுமுறை அளித்து மாவட்ட ஆட்சியர்கள் உத்தரவு பிறப்பித்துள்ளனர்.

தருமபுரி, திண்டுக்கல், நாமக்கல் உள்ளிட்ட பல்வேறு மாவட்டங்களில் எதிர்பார்த்த அளவுக்கு இல்லாமல் ஓரளவு மழை பரவலாக பெய்து வருகிறது.