இலங்கை நாடாளுமன்றத்தில் கடும் மோதல், ஒத்தி வைப்பு

வியாழக்கிழமை இலங்கை நாடாளுமன்றம் கூடியபோது பிரதமர் என்று மகிந்த ராஜபக்ச பேச எழுந்தபோது கைகலப்பு ஏற்பட்டது.

புதன்கிழமை நாடாளுமன்றம் நடைபெற்றபோது, ராஜபக்சவுக்கு எதிரான நம்பிக்கையில்லா தீர்மானம் வெற்றி பெற்றது.

இது அதிபர் மைத்திரிபால சிறிசெனவுக்கு பலத்த பின்னடைவாக பார்க்கப்படுகிறது.

நம்பிக்கை இல்லா தீர்மானம் நிறைவேற்றப்பட்டு பிரதமர் பதவியிழந்த பிறகு, பிரதமர் என்ற வகையில் நாடாளுமன்றத்தில் உரையாற்றுவது சட்ட விரோதமென கூறப்படுகிறது.

ராஜபக்சே பேச முற்பட்டால், எதிர்ப்பு ஏற்படும் என கூறப்பட்டிருந்த நிலையிலும், மகிந்த ராஜபக்சே பேச எழுந்தார்.

இதற்கு ரணில் விக்ரமசிங்கே தரப்பினர் கடும் எதிர்ப்பு தெரிவித்ததால், இரு தரப்பு நாடாளுமன்ற உறுப்பினாகளுக்கு இடையே கடும் மோதல் உருவானது.

ராஜபக்சே தரப்பு நாடாளுமன்ற உறுப்பினா ஒருவர் காயமடைந்த நிலையில், சபாநாயகர் இருக்கையை ராஜபக்சே ஆதரவாளர்கள் முற்றுகையிட்டனர்.

அதனால், சபாநாயகர் ஜெயசூர்யா நாடாளுமன்றத்தில் இருந்து அவசரமாக வெளியேற வேண்டியதாயிற்று.