திருத்தந்தைபிரான்சிஸ் அடுத்த ஆண்டு இந்தியா வர திட்டமிட்டுள்ளார்.| வேரித்தாஸ் செய்திகள்

2024ஆம் ஆண்டு இந்தியாவுக்குச் செல்லத் திட்டமிட்டுள்ளதாக திருத்தந்தை பிரான்சிஸ் ஞாயிற்றுக்கிழமை தெரிவித்தார். தெற்கு சூடானில் இருந்து ரோம் நகருக்குத் திரும்பும் விமானத்தில் தனது எதிர்கால பயணத் திட்டங்கள் குறித்து செய்தியாளர்களிடம் பேசிய அவர்.

விமானத்தின் போது தனது வரவிருக்கும் பயண அட்டவணையை கோடிட்டுக் காட்டிய திருத்தந்தை , ஆகஸ்ட் முதல் வாரத்தில் உலக இளைஞர் தினத்திற்காக போர்ச்சுகலின் லிஸ்பனில் இருப்பார் என்றும், செப்டம்பர் 23 ஆம் தேதி பிரான்சின் மார்சேயில் நடைபெறும் மத்திய தரைக்கடல் ஆயர்களின் கூட்டத்தில் பங்கேற்பார் என்றும் உறுதிப்படுத்தினார்.

AP செய்திகளின்படி,  திருத்தந்தை அவர்கள்  மார்சேயில் இருந்து மங்கோலியாவுக்குப் பறப்பதற்கான "சாத்தியத்தை" சுட்டிக்காட்டினார்.

திருத்தந்தை பிரான்சிஸ் அவர்களும் 2024-ம் ஆண்டு இந்தியா வருவார் என்று சூசகமாக தெரிவித்தார். 

திருத்தந்தைபிரான்சிஸ் அவர்கள், அக்டோபர், 2021 இல், இந்தியப் பிரதமர் நரேந்திர மோடி வத்திக்கானுக்குச் சென்றபோது, ​​இந்தியாவிற்கு வருவதற்கான அதிகாரப்பூர்வ அழைப்பைப் பெற்றார்.

திருத்தந்தை பிரான்சிஸுடன் மிகவும் அன்பான சந்திப்பு நடந்தது. அவருடன் பலதரப்பட்ட பிரச்சினைகள் குறித்து விவாதிக்க எனக்கு வாய்ப்பு கிடைத்தது, மேலும் அவரை இந்தியாவுக்கு வருமாறு அழைப்பு விடுத்தேன் என்று பிரதமர் பயணத்தைத் தொடர்ந்து ட்வீட் செய்தார். இந்த சந்திப்பின் புகைப்படங்களையும் மோடி சமூக வலைதளங்களில் பகிர்ந்துள்ளார்.

திருத்தந்தை இரண்டாம் ஜான் பால் தான் இந்தியா வந்த கடைசி திருத்தந்தைஆவார்.

-அருள்பணி.வி. ஜான்சன்