Veritas Tamil News || வேரித்தாஸ் செய்திகள் || 16.09.2022

2. பிறர்நலப் பணிக்கென்று தன்னை அர்ப்பணித்திருந்தவர் அரசி எலிசபெத்

இயேசுவின்மீது ஆழமான நம்பிக்கை கொண்டு, பிறரன்புப் பணிகள் செய்ய தன்னை அர்ப்பணித்து, எளிய மக்களோடு பழகும் உள்ளம் கொண்டவர் அரசி இரண்டாம் எலிசபெத் அவர்கள் என்று, அவரது மறைவு குறித்து உலகின் பல்வேறு கத்தோலிக்க ஆயர்கள்  இரங்கல் தெரிவித்துள்ளனர்.

பிரித்தானிய நாட்டு புதிய அரசரும், மறைந்த அரசி இரண்டாம் எலிசபெத் அவர்களின் மூத்த மகனுமாகிய அரசர் மூன்றாம் சார்லஸ் அவர்கள், செப்டம்பர் 8 இவ்வியாழனன்று அரசி அவர்களின்  மறைவு குறித்த அறிவிப்பினை வெளியிட்டதைத் தொடர்ந்து உலகின் பல்வேறு கத்தோலிக்க ஆயர்கள் தங்களது ஆழ்ந்த கவலைகளை இரங்கல் செய்திகளாக தெரிவிக்கையில் இவ்வாறு கூறியுள்ளனர்.

இங்கிலாந்து மற்றும் வேல்ஸ் ஆயர் பேரவைத் தலைவரும், வெஸ்ட்மின்ஸ்டர் பேராயருமான கர்தினால் வின்சென்ட் நிக்கோல்ஸ் அவர்களும் அரசி இரண்டாம் எலிசபெத்தின் மரணத்தையொட்டி இரங்கல் செய்தி ஒன்றை வெளியிட்டுள்ளார்.

கானடா நாட்டு கத்தோலிக்க ஆயர் பேரவை, வட அயர்லாந்தின் அர்மக்ஹ்  பேராயர் ஏமோன் மார்ட்டின் , நியுசிலாந்து நாட்டின் அயோடீரோயா கத்தோலிக்க ஆயர், பிரித்தானிய பிரதமர் லிஸ் டிரஸ்  போன்ற பல தலைவர்கள் தங்களின் இரங்கலைத் தெரிவித்துள்ளனர்.

மகத்தான தூண்டுதல்தரும் வாழ்வை வாழ்ந்தவர், பிறரன்புப் பணிகள் செய்ய தன்னை அர்ப்பணித்து அதைக் கறைபடாது செயல்படுத்தியவர் என்று கானடா நாட்டு கத்தோலிக்க ஆயர் பேரவையும், நட்புறவும் நகைச்சுவையுணர்வும் கொண்டு எல்லாருடனும் எளிமையாக பழகும் உள்ளம் கொண்டவர் என்று அர்மக்ஹ் பேராயர் ஏமோன் Martin அவர்களும் தெரிவித்துள்ளனர்.

மேலும், கடினமான அரசியல், பொருளாதார, சமூக, மற்றும் குடும்பச் சூழல்களின்போது மாண்போடும் அமைதியோடும் செயல்பட்டு தீர்வுகாணும் அரசி அவர்களின் மறைவு நாட்டு மக்களுக்கு பெரும் இழப்பு என்றும் தெரிவித்துள்ளார் பேராயர் ஏமோன்.

நியுசிலாந்தின் Aotearoaவில் வாழும் பெரும்பாலான மக்கள், நாட்டை சிறப்பாக ஆட்சி செய்த அரசி எலிசபெத் போல வேறு எந்த அரசரையும் இதற்குமுன் பார்த்ததில்லை என்றும், நாட்டின் குறிப்பிடத்தக்க முன்னேற்றத்திற்கு நிலையான காரணமாயிருப்பவர் அரசி என்றும், அந்நாட்டு கத்தோலிக்க ஆயர் பேரவை தெரிவித்துள்ளது - வத்திக்கான் செய்திகள்.

4. கஜகஸ்தானிலிருந்து விடைபெற்றார் திருத்தந்தை

வத்திக்கான் நாட்டு தலைவர் என்ற வகையில் இராணுவ மரியாதை வழங்கப்பட்டு, அங்கு குழுமியிருந்த அதிகாரிகளிடம் விடைபெற்று உரோம் நோக்கி தன் பயணத்தைத் துவக்கினார் திருத்தந்தை பிரான்சிஸ்

இந்த இரு நாள் கருத்தரங்கு நிறைவு நிகழ்ச்சியில், அங்கு வந்திருந்த மதத்தலைவர்களை வாழ்த்தி, உள்ளூர் நேரம் மாலை நான்கு மணிக்கு, அதாவது இந்திய இலங்கை நேரம் பிற்பகல் 3.30 மணிக்கு அங்கிருந்து காரில் நூர்-சுல்தான் விமான நிலையம் நோக்கிப் பயணமானார் திருத்தந்தை பிரான்சிஸ். சுதந்தர மாளிகைக்கும் விமான நிலையத்திற்கும் இடையேயுள்ள 17.7 கிலோமீட்டர்  தூரத்தை 30 நிமிடத்தில் கடந்து வந்த திருத்தந்தை பிரான்சிஸ் அவர்களை, கஜகஸ்தான் அரசுத்தலைவர் விமான நிலையத்தில் சந்தித்து பிரியாவிடை வழங்கினார். வத்திக்கான் நாட்டுத் தலைவர் என்ற வகையில் இராணுவ மரியாதை வழங்கப்பட்டு, அங்குக் குழுமியிருந்த அதிகாரிகளிடம் விடைபெற்று உரோம் நோக்கித் தன் பயணத்தைத் துவக்கினார் திருத்தந்தை பிரான்சிஸ்.

விமானத்திலேயே இரவு உணவருந்தி, தான் கடந்துவந்த கஜகஸ்தான் அசர்பைஜான், ஜியார்ஜியா, துருக்கி, பல்கேரியா, செர்பியா-மோந்தேநேக்ரோ, போஸ்னியா ஹெர்செகோவின், குரவேசியா ஆகிய நாடுகளுக்கு வாழ்த்துத் தந்திச் செய்திகளையும் அனுப்பினார் திருத்தந்தை பிரான்சிஸ். இத்துடன் அவரின் 38வது வெளிநாட்டுத் திருத்தூதுப்பயணம் நிறைவுக்கு வந்தது.

- வத்திக்கான் செய்திகள்