Veritas Tamil News || வேரித்தாஸ் செய்திகள் || 05.10.2022

Wednesday, October 05, 2022

10லட்சம் மரங்கள் இயக்கத்தின் ஓர் பகுதியாக சிங்கப்பூர் கத்தோலிக்கர்கள் மரங்களை நட்டனர்.

சிங்கப்பூர் கத்தோலிக்கர்கள் செப்டம்பர் 28 அன்று காலை சிங்கப்பூர் தேசிய பூங்கா வாரியத்தின் "பத்து லட்சம் மரங்கள் இயக்கத்தில்" பங்கேற்பதன் ஒரு பகுதியாக மரங்களை நட்டனர்.

சிங்கப்பூரின் பத்து லட்சம் மரங்கள் இயக்கம் மற்றும் படைப்பின் காலம் 2022 ஆகியவற்றுடன் இணைந்து பங்கின் பசுமை இயக்கத்தின் முன்முயற்சியாக இந்த நிகழ்வு நடைபெற்றது.

பத்து லட்சம் மரங்கள் இயக்கம்" என்பது மார்ச் 2020 இல் தொடங்கி 2030 இல் முடிவடையும். பத்து ஆண்டுகளுக்குள் நகர-மாநிலம் முழுவதும் பத்து லட்சம் மரங்கள் நடும் திட்டமாகும்.

வனவிலங்குகள் மற்றும் மக்களின் வாழ்க்கை நிலைமைகளை
மேம்படுத்துவதற்காகவும் நாட்டின் இயற்கையை மீட்டெடுப்பதையும் இது நோக்கமாகக் கொண்டுள்ளது.

சிங்கப்பூர் பசுமைத் திட்டம் 2030ன் நிலையான வளர்ச்சிக்கான ஐந்து தூண்களில் ஒன்றான "இயற்கையில் ஒரு மாநகர் " இந்த இயக்கம் முக்கியப் பங்கு வகிக்கிறது.

"இயற்கையில் ஒரு மாநகர் " என்ற பார்வை மறைந்த பிரதமர் லீ குவான் யூவின் "சிங்கப்பூர் ஒரு தோட்ட நகரம்" என்ற பார்வையில் வேரூன்றியது.

இந்த இயக்கத்தின் வெற்றியில் சமூகத்தின் ஈடுபாடு முக்கிய பங்கு வகிக்கிறது.
புனித இன்னாசியார் பங்கின் பங்குத்தந்தை, இயேசு சபை தந்தை கொலின் டான், பிரார்த்தனையுடன் நிகழ்வைத் தொடங்கினார், மேலும் சிங்கப்பூர் புனித இன்னாசியார் பங்கின் 40 க்கும் மேற்பட்ட பங்குதாரர்கள் ஆடம் சாலையில் உள்ள இயற்கை நிலப்பகுதியில் மரம் நடும் நிகழ்வில் பங்கேற்றனர்.

சிறிய மற்றும் நடுத்தர அளவிலான 50 பூர்வீக வகை மரங்களை பங்குமக்கள் நட்டனர்.

இந்த நிகழ்வு படைப்பின் காலம் 2022 ஐ ஆதரித்து , செப்டம்பர் 1 ஆம் தேதி, படைப்பின் பராமரிப்புக்கான உலக பிரார்த்தனை தினத்தில் தொடங்கி, சூழலியலின் தந்தை புனித பிரான்சிஸ் அசிசியின் நினைவு நாளான அக்டோபர் 4 ஆம் தேதி முடிவடைகிறது.

இந்த ஆண்டின் மையக்கரு "படைப்பின் குரலைக் கேட்பது" என்பது குறிப்பிடத்தக்கது.

கன்னியர்களின் சட்ட பங்களிப்பை பாராட்டிய ஆயர்கள்.

தெலுங்கு பேசும் தென்னிந்திய மாநிலங்களான தெலுங்கானா மற்றும் ஆந்திராவில் உள்ள மாநில கத்தோலிக்க ஆயர்கள் பேரவையில் , ஒரு கன்னியாஸ்திரி தனது வழக்கறிஞர் தொழிலின் மூலம் நாட்டிற்கு அளித்த பங்களிப்பை பாராட்டியது.

தெலுங்கு கத்தோலிக்க ஆயர்கள் பேரவை (டிசிபிசி) இந்தியாவில் உள்ள விளிம்புநிலை பெண்கள் மற்றும் ஏழைகளுக்கு சட்டப்பூர்வ பிரதிநிதித்துவத்துடன் உதவும் ஒரு முக்கிய மனித உரிமை ஆர்வலரான சகோதரி ஜெஸ்ஸி குரியனை கௌரவித்து பெருமை படுத்தியுள்ளது.

சகோதரி புனித அன்னாள் சபை செகந்திராபாத் சபையில் கன்னியராகவும் சிறுபான்மை கல்வி நிறுவனங்களுக்கான தேசிய ஆணையத்தின் முன்னாள் உறுப்பினராகவும் உள்ளார். இவர் தனது சபையில் சட்டம் படித்த முதல் அருள்சகோதரி ஆவார்.

வழக்கறிஞராக மாறிய அருசகோதரி இப்போது புது தில்லியில் உள்ளார். மேலும் இந்திய உச்ச நீதிமன்றத்தில் பணிபுரிகிறார்.

மேலும் விழாவின்போது தலைமை விருந்தினரான அருசகோதரி எனது சமூகம் மற்றும் நாட்டிற்கு நான் செய்த சேவைக்காக நான் கௌரவிக்கப்பட்டேன்," என்று சகோதரி குரியன் கூறினார்.

வரலாற்றில் முதன்முறையாக, தென்னிந்தியாவின் எலூருவின் ஆயர் ஜெய ராவ் பொலிமேரா தலைமையில்,இவரும் ஒரு வழக்கறிஞர் செப்டம்பர் மாதம் தெலுங்கு பகுதி, தெலுங்கானா மற்றும் ஆந்திரப் பிரதேசத்தின் கத்தோலிக்க வழக்கறிஞர்களின் ஒரு நாள் மாநாட்டை செப்டம்பர் 24 அன்று ஆந்திர பிரதேசம் எலுருவில் ஏற்பாடு செய்தது.

அதன் முதல் முயற்சியில், அருட் தந்தையர்கள் அருட் சகோதரிகள் மற்றும் வக்கீல்களான சாதாரண மக்கள் உட்பட 100க்கும் மேற்பட்ட பங்கேற்பாளர்கள் கலந்துகொண்டனர்.

சட்டத் தொழில் மூலம் தேசத்திற்குச் சிறப்பாகச் சேவை செய்வதற்கான வழிமுறைகளை வலுப்படுத்துவதே இதன் நோக்கமாகும்.

அருள் சகோதரி கூறுகையில் "இந்த முயற்சியை நான் பாராட்டுகிறேன். ஆயர் ஜெய ராவுக்கு நன்றி. நீதி நதியாக ஓடட்டும்" என்று கூறினார்.

இந்தியாவில் சுமார் 900 அருள்தந்தையர்கள் அருள் சகோதரர்கள் மற்றும்
அருள்சகோதரிகள் வழக்கறிஞர்களாக உள்ளனர், இருப்பினும் சிலர் தீவிரமாக பயிற்சி செய்யவில்லை. அவர்களில் பெரும்பாலோர் சாதாரண மக்களுக்கு நீதி கிடைக்கப் பாடுபடுகிறார்கள்.

இந்தியாவில் வக்கீல்களாகப் பயிற்சி பெற இளம் கத்தோலிக்க அருள்தந்தையர்கள் , அருள் சகோதரிகள் மற்றும் சகோதரர்கள் தேவைப்படுகிறது. வழக்குகள் குவிந்து கிடப்பதால், ஏழைகளுக்கு நீதி தாமதமாகவோ அல்லது வழங்கப்படாமலோ உள்ளது.

இந்தியாவில் திறமையற்ற சட்ட அமைப்பு தாமதங்களை ஏற்படுத்துகிறது, மேலும் பலரால் விலையுயர்ந்த வழக்கறிஞர்களை வாங்க முடியாது.

நீதிக்கான சமத்துவமின்மை பிரச்சினையை உச்ச நீதிமன்றம் பலமுறை கூறியும், அந்த அமைப்பை சரி செய்ய தீவிர முயற்சிகள் எடுக்கப்படவில்லை.

வெளியிடப்பட்ட அறிக்கைகளின்படி, இந்தியாவின் நீதித்துறை அமைப்பு "சாத்தியமற்ற நெருக்கடியில்" உள்ளது, இந்தியாவின் உச்ச நீதிமன்றத்தில் 80,000 வழக்குகள் நிலுவையில் உள்ளன.

இந்தியா முழுவதும் உள்ள மாநில மற்றும் மாவட்ட நீதிமன்றங்களில் மில்லியன் கணக்கான வழக்குகள் நிலுவையில் உள்ள நிலையில், வழக்குகள் தொடர்ந்து குவிந்து வருகின்றன.

சமூக தொடர்பு இதழின் ஒருங்கிணைப்பாளராக நியமிக்கப்பட்ட இந்திய அருட்தந்தை.

மதம் மற்றும் சமூக தொடர்புக்கான ஆசிய ஆராய்ச்சி மையத்தின் (ARC) முதல் தலைமை ஒருங்கிணைப்பாளராக தென்னிந்தியாவில் உள்ள ஒரு இந்திய அருட் தந்தை நியமிக்கப்பட்டுள்ளார்.

தந்தை டாக்டர் ராபின் சேவியர் சிட்டுபரம்பில், இந்தியச் சூழலில் மதம் மற்றும் சமூகத் தொடர்புத் துறைகளில் ஆராய்ச்சியை ஊக்குவிக்க ARC இந்தியாவின் ஒருங்கிணைப்பாளராக ARCயில் இணைகிறார் என்று ARCயின் நிர்வாக இயக்குநர் அருட்தந்தை ஆண்டனி லு டுக் கூறினார்.

ARC ஆசியாவில் மதம் மற்றும் சமூக தொடர்பு தொடர்பான பாடங்களில் ஆராய்ச்சியை எளிதாக்கி அதனை ஆதரிக்கிறது.

இது மதம் மற்றும் சமூக தொடர்பு என்ற தலைப்பில் இரண்டு ஆண்டுகள் இதழியல் தொடர்புடைய ஆய்வுகள் மற்றும் ஆராய்ச்சிகளை வெளியிடுகிறது. இந்த துறையில் தொடர்புடைய வெளியீடுகளை ஊக்குவித்து , ஆர்வமுள்ள ஆராய்ச்சியாளர்கள் மற்றும் நிறுவனங்களின் வலையமைப்பை உருவாக்குகிறது, மேலும் இந்த துறையில் மதங்களுக்கு இடையிலான உரையாடல் மற்றும் ஒத்துழைப்பை வளர்க்கிறது.

ஒருங்கிணைப்பாளராக,தந்தை ராபின், எதிர்காலத்தில் இந்தியாவில் ARC செயல்பாடுகளைத் தீர்மானிக்கும் முக்கிய குழுவை நிறுவும் பணியையும் மேற்கொள்ள இருக்கிறார்.

அவர் தற்போது தென்னிந்தியாவின் கேரளாவில் உள்ள புனித பால் அறிவியல் மற்றும் தொழில் நுட்ப நிறுவனத்தில் துணை முதல்வராக பணியாற்றுகிறார்.

ARC இன் ஆர்வமுள்ள துறைகளில் அவரது நிபுணத்துவம் மற்றும் கல்வி நிறுவனத்தில், நிர்வாகத்தில் அவரது தற்போதைய பங்கு, தந்தை ராபின் தனிநபர்கள் மற்றும் நிறுவனங்களிடையே ஒத்துழைப்பை வளர்ப்பதற்கும் இந்திய சூழலில் ஆராய்ச்சியை மேம்படுத்துவதற்கும் சாதகமான நிலையில் உள்ளார்.

தந்தை ராபின் எர்ணாகுளம்-அங்கமாலி உயர்மறைமாவட்டத்தில் உள்ள எடப்பள்ளியில் உள்ள சீரோ மலபார் அவையில் வின்சென்டியன் சபையில் உறுப்பினராக உள்ளார்.

ARC தாய்லாந்தில் உள்ளது, ஆனால் அதன் நெட்வொர்க் ஆரம்பத்தில் இருந்தே சர்வதேச அளவில் உள்ளது, பல நாடுகளைச் சேர்ந்த தனிநபர்கள் நெட்வொர்க்கில் உள்ளனர். உள்ளூர் ARC களை நிறுவுதல் என்பது குறிப்பிட்ட நாடுகளில் அதிக ஆராய்ச்சியை ஊக்குவிப்பதாகும்.

"தற்போது, நாங்கள் இந்தியா, பிலிப்பைன்ஸ் மற்றும் வியட்நாமில் உள்ளூர் ARC களை நிறுவியுள்ளோம்" என்று தந்தை அந்தோணி RVA செய்தியிடம் கூறினார்.

"நாங்கள் ஆசியாவின் ஒவ்வொரு பகுதியிலும் ஒன்று அல்லது இரண்டு நாடுகளை-தெற்கு, கிழக்கு மற்றும் தென்கிழக்கு ARC பிராந்திய நாடு ஆராய்ச்சி மையங்களாக இலக்காகக் கொண்டுள்ளோம். எங்களால் ஆசியா முழுவதையும் உள்ளடக்க முடியாது. நாங்கள் இன்னும் எங்கள் நெட்வொர்க்கை விரிவுபடுத்தவும் மேம்படுத்தவும் முயற்சிக்கிறோம்," என்று அவர் கூறினார்.

ARC என்பது 23 ஆசிய அறிஞர்களால் திருஅவை /மதம் மற்றும் சமூக தொடர்பாடல் ஆராய்ச்சி குறித்த வட்டமேசையில் முன்மொழியப்பட்ட ஒரு தன்னிச்சையான ஆராய்ச்சி மையமாகும்

இதன் அடித்தளத்திலிருந்து, ARC ஆனது பாங்காக்கில் உள்ள செயின்ட் ஜான்ஸ் பல்கலைக்கழகத்துடன் இணைந்த ஒரு தன்னிச்சையான ஆராய்ச்சி மையமாக செயல்பட்டு வருகிறது.

இதன் கூட்டாளிகளில் சில புனித ஜான் பல்கலைக்கழகம், பாங்காக், தாய்லாந்து; புனித தாமஸ் பல்கலைக்கழகம், மணிலா, பிலிப்பைன்ஸ்; புனித ஜோசப் ஃப்ரீனாடெமெட்ஸ் கம்யூனிகேஷன் சென்டர், மணிலா; தகவல் தொடர்பு கல்லூரி , பிலிப்பைன்ஸ் பல்கலைக்கழகம் லாஸ் பானோஸ், லகுனா, பிலிப்பைன்ஸ்; செஞ்சுரியன் தொழில்நுட்பம் மற்றும் மேலாண்மை பல்கலைக்கழகம், ஒடிசா, இந்தியா; செயின்ட் புனித பீட்டர் ரோமை நிறுவனம் , பெங்களூரு, இந்தியா; தலீம் ஆராய்ச்சி அறக்கட்டளை, அகமதாபாத், இந்தியா; முத்ரா இன்ஸ்டிடியூட் ஆப் கம்யூனிகேஷன்ஸ் அகமதாபாத் (MICA), அகமதாபாத், இந்தியா.

Click to share