துருக்கி மற்றும் சிரியாவில் ஏற்பட்ட நிலநடுக்கம் - பிரார்த்தனைக்கு அழைப்பு விடுத்த திருத்தந்தை பிரான்சிஸ் | வேரித்தாஸ் செய்திகள்

திங்களன்று  திருத்தந்தை பிரான்சிஸ் மற்றும் உள்ளூர் தேவாலயத் தலைவர்கள் துருக்கி மற்றும் சிரியாவில் பேரழிவு தரும் நிலநடுக்கத்தைத் தொடர்ந்து  பிரார்த்தனைக்கு அழைப்பு விடுத்தனர்.

ராய்ட்டர்ஸின் கூற்றுப்படி, தொடர் நிலநடுக்கங்களின் காரணமாக  - 7.8 ரிக்டர் வரை பதிவான  இந்த நிலநடுக்கத்தில்- சுமார் 1,700 பேர் கொல்லப்பட்டனர் மற்றும் ஆயிரக்கணக்கானோர் காயமடைந்தனர், திங்களன்று பலர் இடிபாடுகளுக்கு அடியில் சிக்கியுள்ளனர். இனி வரும் நேரங்களில் புள்ளிவிவரங்கள் அதிகரிக்கும் என்று எதிர்பார்க்கப்பட்டது.

 இரவு முழுவதும் 11 மைல் ஆழத்தில் நிலநடுக்கம் ஏற்பட்டதாக அமெரிக்க புவியியல் ஆய்வு மையம்  தெரிவித்துள்ளது .

ஆழ்ந்த துக்கமடைந்த திருத்தந்தை பிரான்சிஸ், துருக்கி மற்றும் சிரியாவின் அப்போஸ்தலிக்க தூதுவர்களுக்கு தந்தி மூலம் "அவர்களின் இழப்பால் துக்கப்படுபவர்களுக்கு இதயப்பூர்வமான இரங்கலை" அனுப்பினார்.

வத்திக்கான் வெளியுறவுச் செயலர் கார்டினல் பியட்ரோ பரோலின் கையொப்பமிட்ட அந்தத் தந்திகளில், “அவசரப் பணியாளர்கள் காயமடைந்தவர்களைக் கவனிப்பதிலும், தொடர்ந்து நிவாரணப் பணிகளில் ஈடுபடுவதிலும் தெய்வீகப் பரிசுகளான வலிமை மற்றும் விடாமுயற்சியின் மூலம் நிலைத்திருக்க வேண்டும்” என்று திருத்தந்தை  பிரான்சிஸ் பிரார்த்தனை செய்தார்.

"நீண்ட பொறுமையுள்ள சிரிய மக்களுடன்" தனது ஆன்மீக ஒற்றுமையை போப் உறுதிப்படுத்தினார்.

சிரியாவில், பத்து வருடங்களுக்கு  மேலான உள்நாட்டுப் போரால் நாசமடைந்துள்ளது, பல கத்தோலிக்க தேவாலயங்கள் உட்பட எண்ணற்ற கட்டிடங்கள் பிப்ரவரி 6 இடிந்து விழுந்தன என்று CNA இன் அரபு மொழி பங்குதாரர் நிறுவனமான ACI MENA தெரிவித்துள்ளது.
சிரிய கத்தோலிக்க ஆயர்  மார் இக்னேஷியஸ் எப்ரெம் ஜோசப் III யூனன் உள்ளூர் விசுவாசிகளை பிரார்த்தனை செய்ய அழைப்பு விடுத்தார்.

ஆயர்  தற்போது ஈராக்கில் உள்ள சிரிய மறைமாவட்டங்களுக்கு அதிகாரபூர்வ பூர்வ பயணம்  மேற்கொண்டுள்ளார். அவர் அந்தியோக்கியாவின் சிரியாக் கத்தோலிக்க மற்றும் சிரியாக் கத்தோலிக்க திருச்சபைக்கு தலைமை தாங்குகிறார். 

பாதிக்கப்பட்டவர்களின் ஆன்மாக்களுக்கு இரக்கம் காட்டவும், காயமடைந்தவர்களைக் குணப்படுத்தவும், பாதிக்கப்பட்டவர்களுக்கு ஆதரவாக நிற்கவும், காயமடைந்த மற்றும் பாதிக்கப்பட்டவர்களுக்கு உதவி மற்றும் உதவிகளை வழங்கும் அனைவருக்கும் ஆதரவளிக்கவும்,  யூனன் இறைவனைக் கேட்டுக் கொண்டார், 

மேலும் துறவிகள் தங்கள் துறவு மடக் கதவுகளை  உதவி கோரி வந்த குடிமக்களுக்குத் திறந்து வைத்துள்ளோம் என்று அருள்பணியாளர்  தெரிவித்தார். "நாங்கள் இங்குள்ள தேவாலயத்திற்குள் மக்களை அழைத்துச் சென்றோம், இன்று காலை முதல், நாங்கள் திருப்பலி நிறைவேற்றி  , மக்கள் தங்குவதற்கும் அனைவருக்கும் சாப்பிடுவதற்கும் மண்டபத்தைத் திறந்தோம்; வழக்கமாக ஒரு நாளைக்கு குறைந்தது  1,200  ஏழைகளுக்கு உணவை விநியோகிக்கும் எங்கள் சமையலறை, வீடற்ற மற்றும் சாப்பிட முடியாத அனைவருக்கும் உதவ இன்று தன்னால் முடிந்த அனைத்தையும் செய்ய இறைவன் வாய்ப்பினை வழங்கி உள்ளார் என்று தெரிவித்தார்.

அருள்பணி. வி. ஜான்சன்