நினைத்துப் பாருங்கள் | மரியான்

எதாவது ஒன்று நடக்க வேண்டும் என்று நினைத்தால், அது நடக்கும் என்று நம்பினால் அது கட்டாயம் நடக்கும். இது ஏதோ புத்தகங்களைப் படித்து உங்களிடம் சொல்லவில்லை. என்னுடைய வாழ்வின் அனுபவம். உங்கள் வாழ்வின் அனுபவமாகக்கூட இருக்கலாம். காரணம், நம்மிடம் அத்தகைய மாபெரும் சக்தியிருக்கின்றது. அதை நான் உணர்ந்திருக்கின்றேன். அந்த நடத்திக்காட்டும் சக்தியை நான் கடவுள் என்று சொல்கிறேன். நீங்கள் அதை எப்படியும் அழைக்கலாம்.

நான் இதுவரை இது இருந்தால், கிடைத்தால் நன்றாக இருக்குமே என்று நினைத்ததெல்லாம் எனக்குக் கிடைத்திருக்கிறது. சில நேரங்களில் காலம் தாழ்த்திக் கிடைத்திருக்கிறது. ஆனால் கிடைத்திருக்கிறது. காலந்தாழ்த்தி நடந்தவையெல்லாம் எனக்கு இன்னும் அதிகமான பயனைத் தந்தது. ஒருவேளை நான் விரும்பியவுடன் கிடைத்திருந்தால் அத்தகைய பயன் கிடைத்திருக்காது. இந்த நிகழ்வுகளை எல்லாம் சிந்தித்துப் பார்க்கின்றபோது மெய்சிலிர்க்கிறது, அந்த சக்தியான கடவுளை நினைத்து நன்றி பெருக்கெடுக்கிறது. 

சில வேளைகளில் நான் விரும்பினதுக்கு மாறாக எல்லாம் நடக்கிற மாதிரி நான் நினைத்ததுண்டு, ஆனாலும் சோர்ந்துபோகவில்லை. நான் ஓடிக்கொண்டே இருந்தேன். எல்லாம் நிறைவாகவே நடந்தது. ஆனால் அதை இப்பொழுது நினைத்துப் பார்த்தால் அன்று நான் விரும்பியது எனக்குக் கிடைக்காததால்தான் இன்று நான் நலமாக இருக்கின்றேன். எடுத்துக்காட்டாக, நான் இப்படி இந்த இடத்தில் இந்த அனுபவத்தோடு படித்து வரவேண்டும் என்ற விரும்பினேன். நடக்காதோ என்ற சூழ்நிலையும் உருவாகி பயமுறுத்தியது, ஆனாலும் நடக்கும் என்று நினைத்தேன், நிறைவாக நடந்தது. உங்களுக்கும் அது சாத்தியமே, முயன்று பாருங்களேன். 

Website :https://tamil.rvasia.org

Facebook : http://youtube.com/VeritasTamil

Twitter : http://twitter.com/VeritasTamil

Instagram: http://instagram.com/VeritasTamil

SoundCloud: http://soundcloud.com/VeritasTamil

**for non-commercial use only** #vertiastamil #rva #rvapastoralcare #believe #happy #life #live #dream #imagination #God #subconscious #mind #heart #healthy