அன்பருடன் அதிகாலைத்துளிகள் RVA Morning Prayer

நான் இஸ்ரயேலுக்குப் பனி போலிருப்பேன்; அவன் லீலிபோல் மலருவான்; லெபனோனின் மரம்போல் வேரூன்றி நிற்பான் - ஒசேயா 14:5. ஆண்டவரிடம் மனம் திரும்பி வந்து, “தீவினை அனைத்தையும் அகற்றியருளும் ஆண்டவரே நன்மையானதை ஏற்றுக்கொள்ளும்;  நாங்கள் எங்கள் வாய்மொழியாம் துதியை உமக்கு செலுத்துவோம் என்று நாம் கூறும் போது ஆண்டவர் நம்மை நிறைவாக ஆசீவதிப்பார். நம்முடைய அதிகாலைஜெபங்களையும், மாலை பலிகளையும் அவர் ஏற்றுக் கொண்டு நமக்கு நிறை வாழ்வு தருவார்.

நம் மேல் உளமார அன்பு கூர்வார். நமக்கு பனி போலிருப்ப்பார்; நம்மை லீலிபோல் மலர செய்வார்; லெபனோனின் மரம்போல்  வளர செய்து அதன் மலர் போல மணம் பரப்ப செய்வார். கோதுமைபோல் தழைத்தோங்குவோம் திராட்சைக் கொடிபோல் செழிப்படைவோம். அப்படி ஒரு செழிப்பான பொலிவான வாழ்வை நமக்கு தருவார். அவர் நம்மை ஒரு போதும் வெறுக்க மாட்டார். 

ஜெபம்: ஆண்டவரே இந்த அதிகாலையில் எங்கள் துதிகளை உம் பாதம் சமர்ப்பிக்கின்றோம். எங்கள் வாழ்வை பாதிக்கும் எல்லாவற்றையும் அகற்றி உமக்கு ஏற்புடையவர்களாக வாழ்ந்து உம்முடைய ஆசீர்வாதங்களை நிரம்ப பெற்று கொள்ள அருள் தாரும். ஆமென்.