அன்பருடன் அதிகாலைத்துளிகள் RVA Morning Prayer

சீயோனின் பிள்ளைகளே, அகமகிழுங்கள்; உங்கள் கடவுளாகிய ஆண்டவரை முன்னிட்டுக் களிப்படையுங்கள்; ஏனெனில், அவர் தமது நீதியை நிலைநாட்ட உங்களுக்கு முன்மாரியைத் தந்தார்; முன்போலவே உங்களுக்கு முன் மாரியையும் பின்மாரியையும் நிறைவாகத் தந்தருளினார் - யோவேல் 2:23. தன் மக்களுக்கு கீழ் கண்ட ஆசீர்வாதங்களை கொடுப்பேன் என்று இறைவாக்கினர் யோவேல் மூலமாக ஆண்டவர் சொல்கிறார். 

ஆண்டவர் வெட்டுக்கிளிகள்  அழித்துவிட்ட பருவப் பலன்களை நமக்கு மீண்டும் தருவார். நிலத்தை விளைவிக்க செய்வார். பாலைநிலப் புல்வெளிகளை பசுமையாய் ஆக்குவார்; மரங்கள் கனி தரும்.  அத்திமரமும் திராட்சைக் கொடியும் மிகுந்த கனி கொடுக்கும். போரடிக்கும் களங்களில் கோதுமை நிறைந்திருக்கும்; ஆலைகளில் திராட்சை இரசமும் எண்ணெயும் வழிந்தோடும்.

நாம்  வேண்டியமட்டும் உண்டு நிறைவடைய செய்வார்; இனிமேல் என் மக்கள் ஒருபோதும் நிந்தைக்கு உள்ளாகமாட்டார்கள் என்று நம் ஆண்டவர் கூறுகிறார்.

ஜெபம்: 

எங்களை வியத்தகு முறையில் நடத்தி வருகின்ற  கடவுளாகிய ஆண்டவரே உம் பெயரைப் போற்றுகிறோம்.

சரண் அடைந்தோமே சரண்   அடைந்தோமே

ஆவியே உம்மிடம் சரண் அடைந்தோமே.

எங்களை வழிநடத்தி நல்வழிப்படுத்துகிற  எங்கள் நல்ல தந்தையே உமக்கு நன்றி. எங்களுக்கு நேர்ந்த துன்பங்களை நீர் ஆசீர்வாதமாக மாற்றுவதற்காக உமக்கு நன்றி. ஆமென்.

Add new comment

5 + 0 =