ஆண்டவர் அன்னாவைக் கடைக்கண் நோக்கினார். அவர் கருவுற்று மூன்று ஆண்களையும் இரண்டு பெண்களையும் பெற்றெடுத்தார். சிறுவன் சாமுவேலோ ஆண்டவர் திருமுன் வளரலானான் - 1 சாமுவேல் 2:21. அன்னா குழந்தையில்லை என்று ஆலயத்தில் மனம் கசந்து அழுகிறாங்க.  அன்னா பொருத்தனை செய்கிறாங்க  ஆண்டவரே   என் துயரத்தைக் பார்த்து என்னை மறவாமல்  எனக்கு ஓர் ஆண் குழந்தையைத் தந்தீங்க என்றால், அவனை அவன் வாழ்நாள் முழுவதும் ஆண்டவராகிய உமக்கு ஒப்புக்கொடுப்பேன் என்று சொல்றாங்க. 

அவங்களுக்கு ஒரு குழந்தைக்கு கூட வழியில்லாத  அந்த சமயத்தில் அப்படி கிடைத்தால் உங்களுக்கு தந்துவிடுவேன் என்கிறாங்க. ஆண்டவர் மன்றாட்டுக்கு பதில் கொடுத்தார். பால்குடி மறந்ததும் அன்னாவும் பொருத்தனையை மறக்காமல் செய்றாங்க. ஒரே மகனையும் ஆலயத்தில் விடுறாங்க. ஆண்டவர் முன் உண்மையோடு நடந்து கொண்டார்கள்.

நம் ஆண்டவர் என்ன செய்தார் தெரியுமா. அந்த குழந்தையை தன் பணிக்கு எடுத்திட்டு சும்மா இருக்கலை. அன்னாவுக்கு அதன்பிறகு மூன்று ஆண் பிள்ளைகளையும் மூன்று பெண் பிள்ளைகளையும் கொடுத்து  ஆசீர்வதித்தார். சாமுவேலையும்  நல்ல ஒரு இறை பணியாளர் ஆக்குகிறார். 

நம் ஆண்டவர் அவருக்கு பணிந்து பொருத்தனைகளையும் பலிகளையும் செலுத்தும்போது அகமகிழ்ந்து விட்டு சும்மா இருக்கிறவர் இல்லை. இன்னும் அதிகமாக நமக்கு தருகிற தேவன். இடம் கொள்ளாத மட்டும் ஆசீர்வதிக்கிற தேவன்.   

அன்பு சகோதரனே சகோதரியே இன்று உன் வேண்டுதல் கேட்கப்பட்டது. உனது பிள்ளைகளின் பிள்ளைகளை காணும் அளவுக்கு உன் சந்ததியை ஆசீர்வதிப்பேன் என்று ஆண்டவர் சொல்கிறார்.  உன் கண்ணீரை கண்டேன். உனக்கு சமாதானம் தருவேன் என ஆண்டவர் கூறுகிறார்.

ஜெபம்: ஆண்டவரே உமக்கு நன்றி.  நாங்கள் இந்த அதிகாலை வேளையில் உமக்கு முன்பாக   நிற்கிறோம். எங்கள் ஜெபங்கள் உம்மண்டைக்கு வருவதாக. எங்களை ஆசீர்வதிக்க வேண்டுகிறோம். எங்கள் பிள்ளைகளை ஆசீர்வதியும்.  எங்கள் சந்ததிகளை  ஆசீர்வதியும். பாதுகாத்து கொள்ளும். ஆமென்.