Radio Veritas Asia Buick St., Fairview Park, Quezon City, Metro Manila. 1106 Philippines | + 632 9390011-15 | +6329390011-15
அன்பருடன் அதிகாலைத்துளிகள் RVA Morning Prayer
பார்ப்பதற்காக அவர் அணுகி வருவதை ஆண்டவர் கண்டார். “மோசே, மோசே” என்று சொல்லிக் கடவுள் முட்புதரின் நடுவிலிருந்து அவரை அழைக்க, அவர் “இதோ நான்” என்றார் - விடுதலைப் பயணம் 3:4. ஆண்டவர் நம் ஒவ்வொருவரையும் ஏதோ ஒரு விதத்தில் அழைத்து பேசுகிறார். அவர் நம்மோடு பேச ஆவலாயிருக்கிறார்.
மோயிசனை எரிகின்ற முட்புதரில் அழைத்து பேசினார். மோயிசனும் ஆண்டவரின் பிரசன்னத்தை உணர்ந்து அவரருகில் சென்றதால் தான் இஸ்ரேல் மக்களின் தலைவராக அவர் வழி நடத்த முடிந்தது. மோயிசன் அதன் பிறகு எத்தனையோ தடவை ஆண்டவரோடு பேசினார். அவருடைய முக பிரகாசத்தை அனுபவித்தார். சீனாய் மலை முழுவதும் ஆண்டவருடைய பிரசன்னம் இருந்ததை பார்த்து இருக்கிறார்.
ஆண்டவர் மோயிசனோடு நடந்தார் என்றே சொல்லலாம். அவருடைய சாவைக்குட ஆண்டவர் அவருக்கு முன் அறிவித்தார். ஆண்டவருடைய பிரசன்னம் ஒரு நோடிகூட மூயிசன விட்டு அகலவில்லை.
ஆண்டவர் நம்மை அழைத்தால் நாமும் மோயிசனைப் போல ஆண்டவரின் குரலுக்கு செவிமடுப்போம். இறை பிரசன்னத்தை வாழ்நாள் முழுவதும் அனுபவிப்போம்.
ஜெபம்: ஆண்டவரே இந்த அதிகாலையில் நாங்கள் உம்மை காண விரும்புகிறோம். அப்பா உம் பிரசன்னத்தை அறிய விரும்புகிறோம். உமது குரலை கேட்க விரும்புகிறோம். எங்கள் அகக்கண்களை திறந்து விடும். உம்மை காண, உம் குரலை கேட்க, உம்மோடு பேச, உம் பிரசன்னத்தை உணர, உம் வழி நடக்க அருள் தாரும். எங்களோடு வாரும் ஆண்டவரே. ஆமென்.
Add new comment