Radio Veritas Asia Buick St., Fairview Park, Quezon City, Metro Manila. 1106 Philippines | + 632 9390011-15 | +6329390011-15
அன்பருடன் அதிகாலைத்துளிகள் RVA Morning Prayer
நீங்கள் எனக்குத் தீமை செய்ய நினைத்தீர்கள். ஆனால் கடவுள் அதை இன்று நடப்பது போல், திரளான மக்களை உயிரோடு காக்கும் பொருட்டு நன்மையாக மாற்றிவிட்டார் - தொடக்க நூல் 50:20. யோசேப்பு மீது பொறாமை கொண்ட அவருடைய சகோதரர்கள் அவரை கொன்றுவிட நினைத்து அவரை குழியில் தூக்கி போட்டாங்க.
பின்னர் மிதியான் நாட்டு வணிகர் அவர்களைக் கடந்து செல்கையில், குழியிலிருந்து யோசேப்பை வெளியே தூக்கி அந்த இஸ்மயேலரிடம் இருபது வெள்ளிக்காசுக்கு விற்றனர். அவர்களும் யோசேப்பை எகிப்திற்குக் அடிமையாக கொண்டு சென்றனர். ஆனால் ஆண்டவர் யோசப்பை அந்நாட்டு ராஜவுடைய அரண்மனையில் பெரும் பதவி கொடுத்து உயர்த்துகின்றார்.
பெரும் பஞ்சம் வந்த போது யோசப்புடைய சகோதரிகளும் அவரிடம் வந்து உணவு வாங்கி செல்லும் அளவுக்கு, யோசேப்புடைய சகோதரர்கள் அவருக்கு செய்த தீமையை கடவுள் நன்மையாக மாற்றினார். நம் தேவன் நமக்கு எதிராக எழும்பும் தீமைகளை நன்மையாக, ஆசீர்வாதமாக மாற்றுகிற தேவன்.
இந்த அதிகாலையில் அன்பு பிள்ளையே அஞ்சாதே உனக்கு எதிராக எழும்பும் எல்லாவற்றையும் நான் உனக்கு ஆசீர்வாதமாக மாற்றுவேன். விசுவாசம் கொள். திடன் கொள். அஞ்சாதே என்று ஆண்டவர் கூறுகிறார்.
ஜெபம்: ஆண்டவரே உம்மை நாங்கள் நம்புகிறோம். உம்மை விசுவாசிக்கிறோம் எங்களை ஆசீர்வதியும். எங்களுக்கு எதிரானவைகளை நன்மையாய் மாற்றுபவரே உமக்கு நன்றி. இன்றைய நாளில் எங்களை காத்து வழி நடத்தும். ஆமென்.
Add new comment